Litaniae Sacratissimi Cordis Iesu

 

Kyrie, eleison.

Christe, eleison.

Kyrie, eleison.

Christe, audi nos.

Christe, exaudi nos.

Pater de caelis, Deus,

miserere nobis.

Fili, Redemptor mundi, Deus,

miserere nobis.

Spiritus Sancte, Deus,

miserere nobis.

Sancta Trinitas, unus Deus,

miserere nobis.

Cor Iesu, Filii Patris aeterni,

Cor Iesu, in sinu Virginis Matris a Spiritu Sancto formatum,

Cor Iesu, Verbo Dei substantialiter unitum,

Cor Iesu, maiestatis infinitae,

Cor Iesu, templum Dei sanctum,

Cor Iesu, tabernaculum Altissimi,

Cor Iesu, domus Dei et porta caeli,

Cor Iesu, fornax ardens caritatis,

Cor Iesu, sanctuarium iustitiae et caritatis,

Cor Iesu, bonitate et amore plenum,

Cor Iesu, virtutum omnium abyssus,

Cor Iesu, omni laude dignissimum,

Cor Iesu, rex et centrum omnium cordium,

Cor Iesu, in quo sunt omnes thesauri sapientiae et scientiae,

Cor Iesu, in quo habitat omnis plenitudo divinitatis,

Cor Iesu, in quo Pater sibi bene complacuit,

Cor Iesu, de cuius plenitudine omnes nos accepimus,

Cor Iesu, desiderium collium aeternorum,

Cor Iesu, patiens et multae misericordiae,

Cor Iesu, dives in omnes qui invocant te,

Cor Iesu, fons vitae et sanctitatis,

Cor Iesu, propitiatio pro peccatis nostris,

Cor Iesu, opprobriis saturatum,

Cor Iesu, attritum propter iniquitates nostras,

Cor Iesu, usque ad mortem obediens factum,

Cor Iesu, lancea perforatum,

Cor Iesu, fons omnis consolationis,

Cor Iesu, vita et resurrectio nostra,

Cor Iesu, pax et reconciliatio nostra,

Cor Iesu, hostia pro peccatoribus,

Cor Iesu, salus in te sperantium,

Cor Iesu, spes in te morientium,

Cor Iesu, deliciae Sanctorum omnium,

Agnus Dei, qui tollis peccata mundi,

parce nobis, Domine.

Agnus Dei, qui tollis peccata mundi,

exaudi nos, Domine.

Agnus Dei, qui tollis peccata mundi,

miserere nobis.

Cor Iesu, mitis et humile corde,

fac cor nostrum secundum Cor tuum.

OREMUS

℣. Omnípotens sempitérne Deus,

réspice in Cor dilécti Fílii tui, et in laudes et satisfactiónes, quas in nómine peccatórum tibi persólvit: placátus, indúlge cleménter peténtibus misericórdiam tuam, per eúndem Christum Dóminum nostrum.

℟. Amen.